曼聯拒絕格連活特聘約　回歸在望？

最強博彩盤路過關神器《串績王》：http://win.on.cc/football/　

英格蘭前鋒格連活特上年被控強姦及毆打女友，案件糾纏超過1年之後，今年2月初獲撤銷控罪，不過曼聯仍未決定下一步行動，暫時以「內部調查」為由將佢停賽。據英國傳媒報道，曼聯最近拒絕多間土耳其球會斟介格連活特，意味球會仍未想放棄呢位新星，令格連活特再為曼聯上陣機會大增。

據《The Athletic》報道，有數間土超球會曾向曼聯提出借用或收購格連活特，但都一一被拒絕，英國《太陽報》指曼聯有意安排呢位21歲小將回歸，就算贊助商同女子隊球員提出反對，「紅魔鬼」仍然唔想放棄呢位明日之星。傳聞格連活特同女友Harriet Robson已和好如初，甚至準備結婚。

格連活特同曼聯嘅合約去到2025年夏天先完結，周薪為7萬鎊，曼聯仲有權延長合約多1年。消息指格連活特仍然希望再為曼聯上陣，如果「紅魔鬼」最後決定將佢放棄，佢先至會考慮其他球會。