夏蘭特開車玩手機　被批「馬路炸彈」

最強博彩盤路過關神器《串績王》：http://win.on.cc/football/　

曼城前鋒艾寧夏蘭特由球場「危險人物」變成「馬路炸彈」，因為呢位22歲挪威國腳被人影到駕駛期間使用手機，罔顧道路安全，面臨被罰扣分及罰款。

據悉當時艾寧夏蘭特駕駛一輛價值30萬鎊(約290萬港元)白色勞斯萊斯豪華房車，期間左手拎住手機使用，違反英國交通法例，面臨被罰扣6分及罰款200鎊。

事件曝光之後，網民紛紛批評艾寧夏蘭特，有人指佢應該了解一下英國法例，亦有人直斥佢嘅行為危害自己及其他道路使用者安全，屬於嚴重錯誤，預料艾寧夏蘭特好快會收到罰單。

另外，艾寧夏蘭特當選曼城3月最佳球員，佢今個月上陣4次入9球，表現大勇，亦係佢今季第3次獲此殊榮。