阿古路爆料：美斯有50%機會返巴塞

最強博彩盤路過關神器《串績王》：http://win.on.cc/football/　

阿根廷球王美斯將於今夏約滿，但同巴黎聖日耳門(PSG)傾續約問題仍然未有進展，美斯嘅老友兼前阿根廷國家隊隊友阿古路爆料，指呢位35歲射手有50%機會重投巴塞隆拿。

由巴塞名宿碧基創辦嘅「國王聯賽」7人足球賽，日前喺巴塞隆拿主場魯營球場舉行4強賽事，巴塞會長拉波塔、阿古路都有入場睇波，現場球迷不斷高呼美斯名字，希望拉波塔簽番呢位巴塞史上最佳球員。

阿古路亦有同拉波塔傾呢個話題，事後佢話：「美斯有50%機會回歸，拉波塔需要為簽入美斯而努力，如果佢有行動，美斯就會返嚟。」西班牙傳媒指美斯早前已經搵爸爸同拉波塔會談，雙方過幾日會再傾回巢事宜，似乎佢真係好想重返巴塞。

美斯要加盟巴塞隆拿，最大問題係人工，因為球會受到西甲薪酬上限規管，恐怕難以高薪簽入佢。