卡尼人生新一頁　第4度做爸爸準備轉會？

最強博彩盤路過關神器《串績王》：http://win.on.cc/football/　

熱刺近期水深火熱，不過王牌球星哈利卡尼就春風得意，啱啱喺國際賽打破英格蘭史上入波紀錄嘅佢，周三(29日)喺社交網宣布第4度做爸爸，據報曼聯亦決定撥款喺夏天收購呢位英格蘭前鋒，哈利卡尼球場內外即將迎接人生新一頁。

哈利卡尼喺個人IG宣布喜訊，佢貼出同老婆Katie合照，兩人拎住驗孕棒，同時公開一張超聲波相片，哈利卡尼留言表示：「真係好開心！第4個BB即將降臨......」哈利卡尼同Katie已有3個仔女Vivi、Ivy同Louis，組織幸福大家庭。

哈利卡尼同熱刺合約只剩1年多啲，盛傳今個夏天將會實現離隊願望，英國《每日星報》報道，曼聯高層已同意動用8,000萬鎊資金向熱刺提出收購，雖然有指熱刺要求至少1億鎊轉會費，但曼聯有信心可以達成協議。