連累拿高斯文被炒？體記女友離開球圈

最強博彩盤路過關神器《串績王》：http://win.on.cc/football/　

德國教練拿高斯文上星期被拜仁慕尼黑炒魷，據報佢嘅女朋友Lena Wurzenberger竟然係原因之一！消息指有拜仁球員因為Lena嘅記者身份，對拿高斯文守秘密嘅能力產生懷疑，隨住拿高斯文被炒魷，Lena亦宣布將會離開《圖片報》，並且選擇轉行。

拿高斯文上年同前妻分開後，被爆出同《圖片報》記者Lena拍拖，戀情曝光後Lena亦被禁止參與關於拜仁慕尼黑嘅報道，不過消息指球員仍然唔放心，擔心拿高斯文會「爆料」畀女友，所以將帥之間一直未能建立誠信，最終導致悲劇結局。

《圖片報》周三(29日)證實，Lena已經正式離職，而且仲脫離足球圈，4月份開始為BMW擔任生產部發言人工作。《圖片報》指拿高斯文同Lena感情穩定，兩人更籌備喺阿爾卑斯山附近起屋，建立兩人嘅小天地。