朗尼睇好曼城捧英超　因為阿仙奴有致命弱點

足球博彩神器，每日重心提供盡在《彩報》：http://win.on.cc/football/　

今季英超冠軍成為阿仙奴同曼城之爭，榜首兵工廠踢多1場情況下，領先「藍月亮」8分，爭標形勢佔上風。不過，曼聯名宿朗尼放下門戶之見，反而睇好曼城可以後上奪冠，因為阿仙奴經驗輸蝕。

朗尼現時擔任華盛頓聯隊教練，佢被美國傳媒問到今季英超冠軍誰屬時，話比較睇好曼城：「我認為曼城會贏得冠軍，因為阿仙奴缺乏爭標經驗，難以承受壓力，進入最後10輪聯賽之後，佢哋將面對真正壓力，我真係好想睇下阿仙奴到時仲可唔可以保持現時水準。」

阿仙奴對上一次奪得英超冠軍已經係2004年，曼城過去5季英超獲得4冠1亞，講到爭標經驗的確遠勝兵工廠。