魔鬼變天使　般費當選曼聯3月最佳球員

足球博彩神器，每日重心提供盡在《彩報》：http://win.on.cc/football/　

曼聯中場般奴費南迪斯喺3月經歷地獄與天堂，曾於月初對利物浦一役，表現差劣及涉嫌推撞旁證，而備受批評，但之後知恥近乎勇，交出3個入球及2次助攻，力壓大勇嘅拉舒福特，當選曼聯3月最佳球員。

曼聯3月初慘吞利物浦7蛋，般奴費南迪斯踢得差之餘，仲不斷埋怨同投訴，甚至曾經要求換走自己，比賽尾段更公然推開旁證，受到千夫所指。

不過，曼聯之後嘅比賽，般奴費南迪斯冷靜落來，重拾應有水準，歐霸盃主場對貝迪斯，射入1球，英足盃對富咸，更加梅開二度。呢位葡萄牙國腳3月為曼聯上陣6場入3球及2次助攻，今季各項賽事為紅魔鬼披甲44次射入10球及12次助攻，做出「雙雙」亮麗數據。