阿仙奴黃金3月 囊括英超3大獎

2023年04月01日 09:01
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
阿仙奴喺英超榜首遙遙領先,包括3月份4場聯賽全勝,賽會亦將3月最佳領隊、最佳球員、最佳撲救都頒發畀兵工廠。主帥阿迪達今季已第4次獲得英超月份最佳領隊殊榮,同哥迪奧拿、高普睇齊,成為英超史上第3位單季獲得4次或以上月份最佳領隊嘅主帥。
阿仙奴今季保持高水平發揮,阿迪達居功厥偉,佢繼獲得上年8月、11/12月(合併)、今年1月英超最佳領隊後,再贏埋3月獎項,一季4次獲獎。在此之前,只有曼城主帥哥迪奧拿(2017/18年球季4次)、利物浦領隊高普(2019/20年球季5次)做到。
至於兵工廠翼鋒布卡約沙卡喺3月踢4場英超,射入3球及2次助攻,職業生涯首次獲得英超月份最佳球員獎,亦係繼馬田奧迪加特之後,今季第2位阿仙奴球員奪得最佳球員獎。值得一提,阿仙奴史上累積22位球員獲呢個獎項,屬於各隊之冠。
另外,阿仙奴門將蘭斯達爾獲得3月最佳撲救獎,狼隊後衞莊尼卡斯度獲得3月最佳入球。