夏蘭特獲NIKE天價合約　每年袋2000萬歐元

足球博彩神器，每日重心提供盡在《彩報》：http://win.on.cc/football/　

曼城前鋒艾寧夏蘭特正式宣布，同著名運動品牌NIKE簽巨額贊助合約，據悉呢位22歲挪威國腳簽下長達15年「賣身契」，總值3億歐元(約25.5億港元)，換言之佢平均每年可以袋2,000萬歐元(約1.7億港元)，同時自己可以保留100%肖像權。

艾寧夏蘭特同NIKE原本合約於今年1月屆滿，一度引來另外2大品牌adidas、Puma關注，有意招攬呢位射手，其中Puma早前同另一位曼城球星基亞利殊簽下一份總值5,000萬鎊(約4.8億港元)嘅5年合約。

最終艾寧夏蘭特決定同NIKE簽新約，待遇更勝基亞利殊獲得嘅Puma贊助合約。

另外，艾寧夏蘭特有傷在身，需要接受最後體測，先至知能否於周六(1日)晚英超上陣對利物浦。