紐卡素將列隊歡迎曼聯　仲有一項暖心安排

足球博彩神器，每日重心提供盡在《彩報》：http://win.on.cc/football/　

紐卡素將於周日(2日)晚英超主場對曼聯，「喜鵲」急需要贏波，力爭打入前4位，加上雙方於2月英聯盃決賽交鋒，紐卡素輸0比2，照計今次再碰面，應該會視紅魔鬼為仇人。不過，紐卡素決定放下恩怨，將於今仗開賽前，列隊迎接曼聯入場，以示尊敬對方奪得英聯盃冠軍。

根據英國《太陽報》報道，列隊歡迎曼聯入場，原來係由紐卡素球迷會Trophies Don’t Matter提出，該會發言人話：「我哋要向來自曼徹斯特嘅朋友致敬，佢哋值得贏英聯盃冠軍。」

據悉紐卡素球員屆時會喺球員通道外列隊，迎接曼聯球員，向佢哋鼓掌致敬，紐卡素領隊艾迪侯域仲會送花畀曼聯領隊坦哈格，夠晒暖心。