有數據有真相　曼聯輸波皆因缺少一個人

足球博彩神器，每日重心提供盡在《彩報》：http://win.on.cc/football/　

曼聯上仗英超作客0比2不敵紐卡素，對於爭奪前4位「歐聯入場券」造成沉重打擊，根據OPTA統計，曼聯今季有8場英超缺少中場卡斯米路，結果4場輸波，呢位巴西國腳仲要繼續坐多2場波監，意味紅魔鬼未來2場英超失分機會甚高。

卡斯米路因為上月英超對修咸頓，被球證直接出示紅牌趕出場，本土賽事需要停賽4場，佢已經喺英足盃對富咸、上仗英超對紐卡素坐波監，曼聯未來2場英超主場對賓福特、愛華頓，卡斯米路仍然會缺陣。

根據OPTA統計，卡斯米路今季英超為曼聯上陣19場，球隊僅輸3場，反觀佢缺陣8場聯賽，紅魔鬼4次落敗場，輸波率高達一半，足以證明呢位31歲防守中場對於曼聯成敗有舉足輕重影響。無奈卡斯米路仲要繼續停賽2場，領隊坦哈格惟有求神拜佛，希望可以捱得過呢段艱難時期。