【有片】荷蘭盃激火爆　阿積士中場慘中「頭獎」

去片睇卡拉臣中「頭獎」一刻：https://bit.ly/3UdEbh4　

周四(6日)凌晨荷蘭盃4強飛燕諾主場對阿積士，場面極度火爆，比賽因為球迷搞事，兩次中斷，阿積士中場卡拉臣更加被人用雜物掟中頭部，導致頭破血流，呢位30歲荷蘭國腳勝在夠硬淨，射入致勝1球，協助阿積士贏2比1，將會同燕豪芬爭冠軍。

飛燕諾球迷非常激進，喺觀眾席大肆放煙花，導致球場內煙霧迷漫，需要暫停比賽，等煙霧散去再繼續踢。其後有人向場內掟雜物，曾效力英超球隊愛華頓嘅卡拉臣不幸中招，後腦位置流血，比賽再次被逼暫停，幸好佢只係皮外傷。

結果飛燕諾教練團成員出來呼籲球迷冷靜，避免令事件進一步惡化。阿積士球員冒住生命危險比賽，憑杜辛泰迪治、卡拉臣各入1球，贏2比1打入決賽，用實際行動重重摑飛燕諾球迷一巴，荷蘭警方透露已經拘捕部份搞事球迷。

足球博彩神器，每日重心提供盡在《彩報》：http://win.on.cc/football/