好波有好報　沙維將獲續約至2026年

最強博彩盤路過關神器《串績王》：http://win.on.cc/football/　

巴塞隆拿今季西甲一枝獨秀，已經拋離第2位皇馬13分，僅剩下10輪聯賽，奪冠軍機會高唱入雲，根據西班牙《阿斯報》爆料，巴塞管理層非常滿意教練沙維表現，準備提早同呢位43歲少帥續約至2026年6月。

沙維現時合約將於2024年夏天屆滿，巴塞會長拉波塔已經計劃向佢開出新合約，最少會延長至2026年，一來作為獎勵沙維嘅工作表現，二來可以令佢制定長遠策略，帶領球隊重上巔峰，特別係爭取下屆歐聯踢出好成績。

巴塞隆拿近2屆歐聯都分組賽出局，成為沙維執教球隊以來一大污點，甚至曾經傳出會方可能因此而換帥，但實事證明沙維帥位仍然非常穩陣。

據悉雙方對於續約已經達成協議，但由於沙維唔想喺捧盃前簽約，所以等埋巴塞隆拿正式成為今季西甲冠軍後，就會外界公布續約消息。