拉舒福特缺席歐霸盃8強　有望季尾復出

最強博彩盤路過關神器《串績王》：http://win.on.cc/football/　

曼聯官方宣布，前鋒拉舒福特肌肉損傷，無法參加歐霸盃8強對西維爾賽事，並將缺席數場比賽，但有望季尾衝刺階段復出。

福仔於上仗英超對愛華頓期間受傷，佢受傷前向安東尼馬迪爾送出助攻贏到2比0，協助曼聯鎖定勝局，踢到81分鐘被換出，當時佢按住鼠蹊，緩步離場，現場所見已經受傷。

曼聯官方指出，經傷病評估，福仔將缺席數場比賽，但未有透露休息幾耐，只表示有望喺季尾復出，並未提早收咧。曼聯季尾賽程頻繁，聯賽煞科戰5月28日對富咸，可能係爭前4關鍵戰，另外英足盃同歐霸盃仍在進行中，如果全部打入決賽，到時賽程會更頻密。