平過比寧咸好多　利物浦轉斟拜仁小將

足球博彩神器，每日重心提供盡在《彩報》：http://win.on.cc/football/　

利物浦據報已放棄競爭祖迪比寧咸，並啟動替代方案，其中一位替代人選就係拜仁荷蘭中場賴恩格雲貝治。

賴恩格雲貝治年僅20歲，3年前首次入選荷蘭國家隊，去年由阿積士轉投拜仁，但係首季征戰德甲未獲重用，僅上陣26場入1球，只有4次正選，佢對此感到失望，希望去其他球隊尋求機會，而利物浦就係佢其中一條出路。

德國《圖片報》報道，利物浦代表日前去咗荷蘭，同賴恩格雲貝治嘅經理人公司開啟談判，進行初步接觸，據了解，拜仁去年以1850萬歐元(約1.6億港元)由阿積士買入該球員，現時在《轉會市場》身價上升至3000萬歐元，佢同拜仁簽到2027年，不過同祖迪比寧咸比較，呢個平好多。