多蒙特補時食詐胡　失分益咗拜仁

足球博彩神器，每日重心提供盡在《彩報》：http://win.on.cc/football/　

周六(29日)凌晨德甲爆出冷門，由於球證出現爭議性「漏判」，導致榜首多蒙特作客僅逼和護級份子波琴1比1，痛失2分，意味如果拜仁慕尼黑喺周日(30日)晚主場擊敗哈化柏林，就可以升上榜首。

開賽5分鐘，波琴憑中場安東尼洛斯拿入波打開紀錄，但僅過2分鐘，多蒙特就由艾迪耶美建功扳平。多蒙特今仗佔上風，創造唔少入波機會，但卻「不敵」球證，包括艾迪耶美喺禁區內被對手踢跌，球證史特治文卻冇吹罰12碼。

其後有波琴球員疑似禁區內犯手球，但VAR並冇介入，踢到補時，多蒙特中堅曉姆斯頭槌頂入，但被吹越位在先，入波無效。多蒙特全場有22次射門，但只入1球，賽後仲要畀波琴球迷嘲諷，高唱：「冠軍只會係拜仁慕尼黑。」

多蒙特現時領先第2位拜仁慕尼黑2分，但踢多1場，換言之，拜仁只要贏晒餘下5場聯賽，就肯定可以奪冠。