足總盃　「莫生」爆料：祖連奴勢將離隊

港超聯球隊標準流浪周六（29日）在「足總盃」4強反勝冠忠南區，率先晉級決賽，燃起打入亞洲賽的希望。標準流浪會長莫耀強表示，願意全力支持球隊出戰亞洲賽，並透露主力射手祖連奴季後勢將離隊。

「莫生」指球隊本季成績超乎預期，有信心不論「足總盃」決賽對東方或傑志，都能踢成「五五波」：「我哋今季贏咗傑志兩次，咁做咩要驚佢哋？我覺得大家實力唔係差咁遠，相信佢哋都唔敢講贏硬我哋。」對於流浪有望憑「足總盃」冠軍，奪得亞洲賽資格，「莫生」謂必定支持球隊征戰亞洲賽，他打趣道：「無論係亞冠定亞協，如果流浪打入亞洲賽，我哋都會搏盡，就算賣埋層樓都要幫隊波踢好佢。」

流浪是役憑祖連奴末段射入12碼氣走南區，惟「莫生」坦言該名射手季後應會離隊他投：「佢好快就會做本地球員㗎啦，我都知道有好多球會搵緊佢，佢都有同我講下季應該會去其他球隊。」