慈善球王出手　福仔低價租屋畀破產名宿

足球博彩神器，每日重心提供盡在《彩報》：http://win.on.cc/football/　

曼聯99年三冠王功臣布朗早前宣布破產，除咗昔日一眾隊友如朗尼同卡域克仗義襄助，其後輩「慈善球王」拉舒福特亦挺身而出，將名下一間豪宅低價租畀布朗，畀佢有容身之所。

《太陽報》報道，43歲嘅布朗近年投資失利，仲有欠稅同負債，卒之宣布破產，加上傳出婚變，人生跌落谷底，所幸嘅係佢同一班前隊友感情要好，包括朗尼同卡域克等好兄弟都為佢提供緩助，而福仔更將自己名下一間豪宅以低價租畀佢，令佢活得有尊嚴。

布朗喺曼聯效力19年，亦曾代表英格蘭23次，可惜掛靴後投資損手，據報道係地產投資失利，損失數百萬鎊財富，導致破產收場。