再遇剋星球證　卡斯米路小心又見紅

足球博彩神器，每日重心提供盡在《彩報》：http://win.on.cc/football/　

曼聯將於周五(5日)凌晨英超作客白禮頓，紅魔鬼中場卡斯米路一定好心慌，因為佢將會重遇「剋星」球證馬連拿。呢位巴西國腳今季2次被罰紅牌趕出場，都同馬連拿有關，卡斯米路今場真係要打醒十二分精神，以免完成「紅牌帽子戲法」。

曼聯2月英超主場對水晶宮，卡斯米路向對手韋曉士動粗，被該仗主球證馬連拿直接出示紅牌趕出場，僅過1個月之後，曼聯對修咸頓，卡斯米路飛剷對手卡路士艾卡拉斯，球證安東尼泰萊收到當時擔任VAR球證馬連拿嘅指示後，向卡斯米路出示紅牌。

換言之，馬連拿令到卡斯米路2次見紅，合共停賽7場，白禮頓喺早前英足盃4強被曼聯淘汰，今仗勢必大報復，預料戰況會非常激烈，加上由馬連拿執法，卡斯米路成為食牌高危人士。

另外，傳盛拜仁慕尼黑教練杜曹希望今夏收購中場，並睇中卡斯米路，但以佢目前喺紅魔鬼嘅超然地位，相信曼聯唔會放人。