高普投降　承認利物浦無法打入前4

足球博彩神器，每日重心提供盡在《彩報》：http://win.on.cc/football/　

現時排英超第5位嘅利物浦將於周日(7日)凌晨主場對賓福特，只要贏波就可以拉近同第4位曼聯至只有1分距離，但領隊高普卻投降，認為紅軍已無法反超前紅魔鬼。

高普話：「其他爭前4位球隊形勢好好多，只要佢哋保持贏波，我哋就冇機會，我哋現時有59分，最後頂盡都係得71分，曼聯現時有63分，佢哋只要餘下5場再贏3場攞9分，我哋就玩完。」

此外，第6位白禮頓亦來勢洶洶，雖然少利物浦4分，但踢少2場，有機會反超前，高普話：「邊個話白禮頓唔可以贏晒餘下聯賽，只要佢哋踢出對曼聯嘅表現，絕對有可能餘下比賽全勝。」