外流港將　本季開齋　安永佳：狀態返緊嚟！

效力中甲球隊廣西平果哈嘹的安永佳（Matt）周三（10日）出戰第4輪聯賽，交出1入球1助攻，開齋之餘更幫助球隊主場3球擊敗上海嘉定滙龍。這位3月份代表港隊出賽時觸傷的前鋒指，是役為傷愈後首度踢足，認為身體狀況愈來愈好。

安永佳今場上半場補時階段，接應角球頂入本季第1個入球，下半場再助攻隊友取得「士哥」，最後更被選為賽事最佳球員，協助球隊全取3分暫時處於第2位。他賽後讚嘆球迷熱烈打氣，令全隊十分享受，盼望令球隊延續開季理想走勢：「今年想試吓衝擊頭4位，暫時開季開得唔錯，但其他隊伍實力都幾好，所以每場波都要盡全力爭勝，同埋球迷真係好支持球隊，好開心可以喺佢哋面前贏3球波。」

Matt3月代表港隊友賽新加坡後因傷退隊，他謂當時要養傷約6星期，令其非常不好受，直到最近感到身體狀況愈見理想，周三更自受傷後首次踢足，使這位港隊前鋒非常高興：「受傷嗰陣冇得落場練波比賽，所以好努力去做康復訓練，大約1日做兩次，盡快操起狀態，去到琴日終於可以踢足，我都開始感覺到身體返緊嚟。」