文尼有機會返英超　不過唔係利物浦

最強博彩盤路過關神器《串績王》：http://win.on.cc/football/　

發生毆打隊友事件後，沙迪奧文尼離開拜仁機會提升，報道指，拜仁接受各隊報價洽購，利物浦仲未有行動，車路士已搶先出手，向拜仁送上報價。

葡萄牙傳媒報道，車路士已向拜仁報價，雙方開始商談轉會事宜，據稱談判進展順利進行，文尼對於重返英超感到非常興奮，對這宗轉會態度樂觀。

31歲嘅文尼去年放棄同利物浦續約，以4100萬歐元轉會費過檔拜仁，不過嚟到拜仁後表現遠遜預期，上陣36場入12球5助攻，拜仁上下對佢嘅表現都大為不滿，早前歐聯輸波，文尼毆打利萊辛尼，事後被拜仁重罰破球會紀錄嘅30萬歐元，雙方關係跌至冰點，如果今次轉會斟介順利，對雙方都係好事。

之前有球壇名宿表示，希望利物浦回購文尼，但似乎只係一廂情願，紅軍近期表現回復舊觀，攻力銳利，回購文尼機會不大。