史上最高票！夏蘭特當選英格蘭足球先生

足球博彩神器，每日重心提供盡在《彩報》：http://win.on.cc/football/　

英格蘭記者協會(FWA)官方宣布，曼城挪威前鋒艾寧夏蘭特當選英格蘭足球先生，其得票率高達72%，係大會史上最高得票率，拋離第2位布卡約沙卡九條街。

夏蘭特今季32場攻入35球7助攻，打破英超單季34球嘅最高入球紀錄，由於球季仲未完，佢仲有機會推高紀錄，至於所有賽事，呢位22歲鋒霸上陣47場入51球。

大會公布前5名得票排名，夏蘭特第1，第2至5名順序係布卡約沙卡、馬田奧迪加特、奇雲迪布尼同拉舒福特。但講到得票率就冇得鬥，夏蘭特得票72%壓倒性當選。

與此同時，英超官方宣布夏蘭特當選英超4月最佳球員。英超官網表示，夏蘭特在4月英超賽事，交出4場6球2助攻，力壓奇雲迪布尼、迪亞高祖達、阿歷山大伊沙克、伊比爾治伊斯。