沙夏受傷提早收咧　或轉軚續約

足球博彩神器，每日重心提供盡在《彩報》：http://win.on.cc/football/　

水晶宮前鋒韋費特沙夏上仗英超對般尼茅夫，因傷退下火線之後，證實腿筋受傷，將缺陣今季餘下2場英超。呢位30歲科特迪瓦國腳將於今夏約滿，早前盛傳佢計劃去其他聯賽搵食，但依家又轉軚，唔排除續約。

韋費特沙夏2014年由曼聯重返水晶宮以來，一直屬於球隊主力，今季英超上陣27場入7球，由於沙夏已經效力水晶宮多年，佢打算今夏約滿後去其他聯賽接受新挑戰，早前傳出沙特阿拉伯豪門艾納斯向韋費特沙夏開出900萬鎊(約8,800萬港元)年薪合約，邀請佢加盟，但沙夏已拒絕，佢希望留喺歐洲5大聯賽搵食。

英國《每日郵報》指水晶宮仍然希望韋費特沙夏續約，近日向佢開出20萬鎊(約196萬港元)周薪新合約，對於呢間中小型球會而言，絕對係天價薪酬，所以韋費特沙夏亦被打動，今季結束之後可能選擇續約。