安察洛堤排陣惹爭議　堅稱唔會被炒魷

最強博彩盤路過關神器《串績王》：http://win.on.cc/football/　

皇家馬德里喺歐聯4強慘敗出局，西甲同歐聯都衞冕失敗，今季只係得1個西盃冠軍，一直有傳皇馬夏天考慮換帥，亦有傳安察洛堤會轉教巴西國家隊，不過對曼城賽後，安察洛堤就強調：「我下季會繼續帶皇馬挑戰歐聯！」

安察洛堤賽後被問到去留問題，呢位63歲意大利名帥表示：「下一季，我會繼續喺皇馬挑戰歐聯，冇一個人對我有質疑，我諗會長(皮里茲)喺2個星期前已經講得好清楚，但我同佢嘅談話唔會喺呢度公開。」安察洛堤同皇馬合約去到2024年夏天完結。

不過，安察洛堤今場排陣亦引起爭議，首回合成功凍結艾寧夏蘭特嘅魯迪格，今仗被貶為後備，曼聯名宿里奧費迪南質疑：「我唔明安察洛堤嘅決定，首回合之後我諗，我哋係咪終於搵到一個後衞可以凍結艾寧夏蘭特？當然安察洛堤更加信任艾達米列達奧，但呢個係重大決定，點可能收起一個首回合踢得咁好嘅人？」