胖虎搭路　曼聯有望借用尼馬

足球博彩神器，每日重心提供盡在《彩報》：http://win.on.cc/football/　

法國傳媒報道，曼聯今夏有望以借用形式由巴黎聖日耳門(PSG)簽入尼馬，卡斯米路擔任中間人，最重要係曼聯將要承擔尼馬巨額薪酬。

31歲嘅尼馬同PSG合約到2027年，但PSG早已經想出售尼馬，之前傳過同車路士接洽商討，雙方未有結論，近日傳出「胖虎」卡斯米路幫手搭路，游說尼馬過檔曼聯，令事情出現進展。

《隊報》報道，由於車路士來季失去歐聯資格，尼馬肯定拒絕轉會，該巴西王牌餘下選擇尚有紐卡素同曼聯，不過艾迪侯域已否定尼馬加盟可能性，有消息稱紅魔內部已經同意引入尼馬，更由卡斯米路做說客，游說尼馬加盟。

曼聯好大機會以借用形式完成交易，承擔尼馬全部薪酬，據報尼馬在PSG年薪超過3,000萬歐元(約2.54億港元)。不過有分析指，曼聯借用尼馬有一定風險，因為佢嘅傷病紀錄同熱衷夜蒲，都係呢宗交易嘅負面因素。