飛燕諾面臨拆骨　將帥一齊跳槽去熱刺

足球博彩神器，每日重心提供盡在《彩報》：http://win.on.cc/football/　

飛燕諾相隔6年之後，再次奪得荷甲冠軍，但卻面對被「拆骨」，英國傳媒指飛燕諾主帥施洛已經向會方提出離隊要求，準備加盟熱刺，一旦佢成為呢支倫敦勁旅領隊，就會帶埋飛燕諾隊長奧簡高古一齊過檔。

據悉熱刺班主利維已經將施洛視為新帥首選，呢位44歲荷蘭少帥亦有意加盟，雙方已經有初步接觸，成事機會甚高。施洛亦準備將喺飛燕諾取得成功嘅戰術移植去熱刺，所以想帶埋中場奧簡高古一齊去倫敦搵食。

現年22歲嘅奧簡高古喺荷蘭出世，其後選擇代表土耳其國家隊，近2季成為飛燕諾主力，今季各項賽事上陣44場入12球，創出職業生涯單季入球新高，而且年紀輕輕已經擔任隊長，可見佢絕非池之物。

英國《太陽報》形容奧簡高古將會成為另一位菲爾科頓，對佢評價非常高，如果熱刺獲得施洛同奧簡高古加盟，下季應該有機會復興。