白禮頓主帥拍心口：三笘薰留隊　下季最少入15球

足球博彩神器，每日重心提供盡在《彩報》：http://win.on.cc/football/　

白禮頓翼鋒三笘薰今季表現大勇，獲得唔少球會垂青，盛傳可能今夏轉會，但主帥迪薩比開腔為愛將作出否認，拍晒心口話，呢位26歲日本國腳一定留隊，並睇好佢下季最少可以入15球。

白禮頓上仗以3比1擊敗修咸頓，三笘薰貢獻1次助攻，並曾經射門中柱，表現大護好評，迪薩比被傳媒問到三笘薰會唔會被其他大球會收購時就話：「我完全相信三笘薰下季仍然會喺隊中，佢首季踢英超，已經表現出強大實力，以佢嘅潛力，我希望佢下季最少入15球。」

三笘薰今季為白禮頓各項賽事上陣39場入10球，其中31場英超入7球，成為英超史上單季最多入波嘅日本球員，難怪迪薩比對佢下季再創入球新高，充滿信心。