國米願放馬天尼斯　命運由車路士主宰？

足球博彩神器，每日重心提供盡在《彩報》：http://win.on.cc/football/　

國際米蘭喺歐聯前先拎意盃冠軍，阿根廷前鋒拿達路馬天尼斯繼續火熱狀態，佢係球隊前線領軍人物，理論上係「非賣品」，不過意大利傳媒指國米若收到1億歐元(約8.5億港元)以上「癲價」轉會費，將會同意放人，而車路士「準領隊」普捷天奴同馬德里體育會教練施蒙尼，都準備斥巨資搶呢位阿根廷同鄉。

25歲嘅拿達路馬天尼斯，今季各項賽事為國米入24球，據《Italy24》網站報道，國米唔會輕易放走呢位王牌前鋒，除非收到「癲價」收購計劃，即係1億歐元以上嘅轉會費先會作出考慮，而呢位阿根廷前鋒嘅去留，好視乎車路士嘅決定。

據報車路士「未來領隊」普捷天奴，已經將拿達路馬天尼斯視為夏天收購頭號目標，不過馬體會教練施蒙尼亦早已計劃收購，但佢哋先要將外借車路士嘅祖奧菲歷斯賣走(約1億歐元轉會費)，先至可以動用資金搶人，所以拿達路馬天尼斯嘅去向，好視乎車路士之後嘅轉會決定。