利物浦失落歐聯　沙拿出聲明大發牢騷

足球博彩神器，每日重心提供盡在《彩報》：http://win.on.cc/football/　

隨住曼聯4比1大勝車路士，利物浦入前4嘅唯一希望宣告幻滅，「紅軍」王牌前鋒穆罕默德沙拿隨即喺twitter發聲明，批評利物浦今季嘅差勁表現。

穆罕默德沙拿表示：「(失落歐聯資格)我極度沮喪！冇任何藉口可以解釋，利物浦有一切出戰下季歐聯嘅條件，但我哋失敗咗。我哋係利物浦，每季出戰歐聯係最低限度嘅要求，真係好對唔住，呢一刻我講唔出咩樂觀同振奮士氣嘅說話，我哋令到球迷同自己失望。」

利物浦自2016/17球季後首度缺席歐聯，期間仲拎過1次冠軍同2次亞軍，今屆就喺16強被皇家馬德里淘汰。利物浦對上一次踢歐霸盃係2015/16球季，當年佢哋亦殺入決賽，但最終輸畀西維爾。