一個原因 夏蘭特「含金量」唔及蘇亞雷斯

2023年05月26日 17:02
東網電視
更多新聞短片
蘇亞雷斯(左)及艾寧夏蘭特成為網民討論對象。(Getty Images)
足球博彩神器,每日重心提供盡在《彩報》:http://win.on.cc/football/ 
曼城前鋒艾寧夏蘭特今季英超已有36球進帳,打破舒利亞同高爾嘅紀錄,成為英超史上單季最多入波球員,金靴獎成為佢囊中之物。不過,有網民提出呢位挪威國腳嘅神射手獎「含金量」唔及蘇亞雷斯,因為夏蘭特36個英超入波,有7球來自12碼,前利物浦射手蘇亞雷斯2013/14年球季奪得英超神射手獎,31個入球並冇12碼,實力比夏蘭特更強。
艾寧夏蘭特今季英超上陣35場入36球,入球率非常驚人,並已拋離射手榜哈利卡尼8球,表現備受好評,甚至被認為係英超史上最佳射手。不過,就引起爭議,有網民認為講射術,蘇亞雷斯更勝一籌,因為呢位烏拉圭名將2013/14年球季英超入31球,並冇12碼,夏蘭特扣除7球12碼,只有29球進帳,甚至少過2017/18年嘅穆罕默德沙拿,該季英超沙拿入32球只有1球來自12碼。
更加有人話如果當年由蘇亞雷斯擔任利物浦「劊子手」,而非謝拉特,蘇亞雷斯一早就可以打破舒利亞同高爾嘅單季英超入球紀錄。
不過,曼城今季仲有1場聯賽作客賓福特,只要艾寧夏蘭特入番3球非12碼入波,應該可令批評者收聲。