錯過世青盃　加拿祖跟美斯去亞洲

足球博彩神器，每日重心提供盡在《彩報》：http://win.on.cc/football/　

阿根廷傳媒報道，因曼聯不放人而錯過U20世盃嘅曼聯小將阿歷真度加拿祖，嚟緊有機會直接入選大國腳，隨隊參加6月阿根廷亞洲之旅，向球王美斯學法。

18歲嘅加拿祖係U20世盃適齡球員，而且今屆賽事由阿根廷接辦，出席呢項大賽係揚名立萬好機會，但由於曼聯仲有比賽，特別係英足盃決賽對曼城，會方拒絕放人，加拿祖因而錯過今次大賽。

其實以加拿祖嘅球技，入選大國腳係遲早嘅事，而呢個機會可能提早來臨，阿根廷記者Bruno González García報道，加拿祖短期內將被史卡朗尼徵召，晉身大國腳，隨隊參加亞洲之旅。

阿根廷早前宣布，6月進行2場熱身賽，包括6月15日在北京對澳洲、6月19日在雅加達對印尼，據報球王美斯將會隨隊，到時加拿祖將會同球王做隊友。