巴塞神龍挑戰兩西甲紀錄　隊友幫唔幫手？

足球博彩神器，每日重心提供盡在《彩報》：http://win.on.cc/football/　

奪冠後2連敗嘅巴塞隆拿，嚟緊西甲主場對馬略卡可能較為認真比賽，呢場除咗係主場謝幕戰，仲要幫助門將達史特根挑戰2項西甲紀錄，就係有機會刷新失球率同零失球次數紀錄。

喺連續輸畀皇家蘇斯達同華拉度列之前，達史特根已經保持25場零封紀錄，西甲最高零失球紀錄係93至94年球季嘅利亞尼奧，全季26場零失球。由於連續2場失波，達史特根追平舊紀錄嘅機會，只係剩番最後兩輪，本周主場對馬略卡係最好機會。

至於另一項紀錄係失球數字，暫時達史特根今季失17球，失球率0.485球，只要下場唔失波，失球率就會降到0.472球，有望打破奧比歷同利亞尼奧共同保持嘅0.473球紀錄。