英超煞科　夏蘭特挑戰亨利神級紀錄

足球博彩神器，每日重心提供盡在《彩報》：http://win.on.cc/football/　

今季英超將於周日(28日)煞科，曼城已穩奪冠軍，但射手艾寧夏蘭特仲要挑戰1項神級紀錄，呢位挪威國腳今仗作客賓福特，只要入波或者助攻，就可以打破阿仙奴傳奇射手亨利保持嘅單季英超創造最多入球紀錄。

亨利喺2002/03年球季英超，射入24球及20次助攻，換言之合共創造44個入球，呢個紀錄已保持20年。艾寧夏蘭特今季英超已射入36球及8次助攻，同樣創造44球追平亨利紀錄，所以只要佢喺煞科戰有入波或者助攻，就可以打破亨利嘅紀錄。

不過，賓福特並非善男信女，今季英超首循環作客爆冷以2比1擊敗曼城，艾寧夏蘭特該仗踢足90分鐘，但冇入波亦冇助攻，全場只有21次觸球，佢今仗想創造入球破紀錄，並唔容易。