麥湯米尼已向朋友通傳　今夏離開曼聯

最強博彩盤路過關神器《串績王》：http://win.on.cc/football/　

英國傳媒報道，曼聯中場「親生仔」麥湯米尼已向身邊好友通傳，打算今夏離開曼聯，期望在新環境有更好發展。

《Football Insider》報道，曼聯中場順序係般奴費南迪斯、卡斯米路、基斯甸艾歷臣、費特、沙比薩，最後先輪到麥湯米尼，由於曼聯今夏將繼續簽入中場新兵，麥湯米尼上陣時間將進一步壓縮，佢自知冇運行，唔想做下一個連格，只好求去。

26歲嘅麥湯米尼係曼聯青訓產品，2017年獲摩連奴提拔上一隊，至今7季上陣207場入19球，今季上陣37場，只有16場正選，佢全季上陣時間亦只有1126分鐘，比上季大跌50%。紐卡素同韋斯咸正密切留意麥湯米尼動向，一旦曼聯有意出售，佢哋就會出手接貨。