沙維證實同美斯斟介：戰術為佢而設！

最強博彩盤路過關神器《串績王》：http://win.on.cc/football/　

巴塞隆拿今季勇奪西甲冠軍，教練沙維正為夏天組軍準備，佢日前接受西班牙《每日體育報》訪問，親口證實同美斯就轉會進行斟介，更揚言球隊戰術會為美斯而設，希望呢位阿根廷「球王」可以童話式回歸。

沙維表示：「我同會長講，搵美斯返嚟係最合適嘅選擇，呢一點唔使懷疑，佢係實踐巴塞戰術同理念嘅完美人選，我已經構思一個有美斯嘅戰術。依家就等美斯作出最後決定......冇錯，我一直有同佢聯絡。」

美斯同巴黎聖日耳門嘅合約即將完結，問題係巴塞隆拿受到財政問題限制，簽人前要先騰出薪酬空間，隨住布斯基斯、佐迪艾巴等老將離隊，巴塞隆拿正式迎接美斯回歸做好準備。