拿達路馬天尼斯結婚　世盃冠軍隊友齊到賀

最強博彩盤路過關神器《串績王》：http://win.on.cc/football/　

國際米蘭即將出戰歐聯決賽，前鋒拿達路馬天尼斯喺大戰前先辦喜事，佢喺意大利科莫湖舉行盛大婚禮，同女友Agustina Gandolfo拉埋天窗。今次婚禮星光熠熠，除咗盧卡古等國米隊友出席外，一班阿根廷世盃冠軍功臣亦齊齊到賀，場面熱鬧。

據報拿達路馬天尼斯同Agustina Gandolfo喺今個月中已秘密註冊，周二(30日)先至補辦盛大慶祝派對，唔少球圈老友都有份出席，其中一張阿根廷國腳大合照就喺網上瘋傳，達米安馬天尼斯、達利亞費高、魯利、安素費南迪斯同阿歷斯麥亞里士打都帶埋另一半出席，加埋尼高拉斯干沙利斯同祖亞昆哥利亞，呢張阿根廷大合照份量十足。

拿達路馬天尼斯同Agustina Gandolfo依家有一個2歲囡囡，而且準備迎接兒子Theo誕生，如果佢可以繼世盃冠軍後，再幫國際米蘭拎埋歐聯冠軍，就真係家庭事業兩得意啦！