6次拎亞軍　拉美拿誓破「二奶命」

足球博彩神器，每日重心提供盡在《彩報》：http://win.on.cc/football/　

歐霸盃決賽，西維爾中場拉美拿將會倒戈對羅馬，呢位31歲阿根廷國腳曾經喺國家隊及球會賽事，合共6次屈居亞軍，被網民嘲諷為「二奶仔」，佢今仗誓要打破宿命，一嘗冠軍滋味。

拉美拿2011年由河床加盟羅馬，效力2季上陣67場入21球，協助球隊打入2013年意大利盃決賽，但不敵拉素。呢位進攻中場轉投熱刺之後，更加3次同冠軍擦身而過，包括2次英聯盃決賽，以及2019年歐聯決賽，熱刺都輸波。

此外，阿根廷國家隊獲得2015、16年兩屆美洲國家盃亞軍，拉美拿都係陣中一員，「二奶仔」之名果然名不虛傳。不過，西維爾身為歐霸盃之王，6次打入呢項大賽都奪冠，拉美拿正好趁機打破「二奶命」魔咒。