老將徹退　沙治奧拉莫斯宣布離開PSG

足球博彩神器，每日重心提供盡在《彩報》：http://win.on.cc/football/　

繼阿根廷「球王」美斯宣布今夏離開巴黎聖日耳門(PSG)後，西班牙37歲老將沙治奧拉莫斯周六(3日)亦宣布，周日(4日)凌晨法甲煞科戰係佢喺PSG嘅告別戰。沙治奧拉莫斯表明並冇打算掛靴，而係會喺其他球會尋求新挑戰。

沙治奧拉莫斯發聲明表示：「聽日係好特別嘅日子，我會同人生一個階段講再見，我唔知有幾多地方令我有家嘅感覺，但巴黎肯定係其中之一。好多謝球隊呢2年令我參與各項賽事，我會繼續尋找新挑戰，但聽日(4日)我會最後一次穿起PSG嘅波衫比賽。」

沙治奧拉莫斯喺2021年夏天加盟PSG，2個球季都幫球隊贏得法甲冠軍，PSG班主艾卡理化亦向佢致敬：「好感激沙治奧拉莫斯過去2年嘅奉獻，佢嘅領導、專業、鬥志，結合埋佢嘅經驗，令佢成為一個傳奇，能夠同佢喺巴黎合作係一種榮幸。」