艾拿戴斯離開列斯聯　勁袋50萬鎊

最強博彩盤路過關神器《串績王》：http://win.on.cc/football/　

列斯聯周五(2日)官方宣布，季尾上任協助護級嘅領隊艾拿戴斯，隨着球隊降班，雙方同意結束賓主關係，報道指大Sam今次僅擔任25日主帥，雖然護級失敗，但仍收穫50萬鎊(約488萬港元)報酬。

艾拿戴斯在英超最後4輪才上任列斯聯領隊，結果4場聯賽僅得1和3負取得1分，最終排19位降班，列斯聯發聲明宣布艾拿戴斯離任：「感謝大Sam到來拯救我哋，遺憾嘅係事與願違，但佢已經竭盡所能，我哋好多謝佢。」

大Sam在列斯聯官網留言，期望列聯賽盡快重返英超：「列斯聯係一間偉大球會，佢哋理應留喺英超，期望佢哋將來取得成功，盡快返嚟。」

報道指，當初艾拿戴斯與列斯聯協議，如果護級成功，將獲得300萬鎊獎金，雖然依家護級失敗，仍可獲得50萬鎊報酬，佢上任僅25日，除埋每日收取2萬鎊報酬，值唔值就見仁見智喇。