曼城做唔到三冠王　就取消勝利巡遊

足球博彩神器，每日重心提供盡在《彩報》：http://win.on.cc/football/　

曼城奪得英超及英足盃冠軍之後，將於香港時間6月11日凌晨舉行嘅歐聯決賽出戰國際米蘭，根據英國《每日郵報》爆料，如果曼城捧歐聯冠軍，就會喺英國時間周6月12日舉行勝利巡遊，否則就會取消，意味唔會為英超及英足盃錦標，舉行勝利巡遊，「藍月亮」眼中只有歐聯王者寶座。

據悉曼城原定計劃6月12日舉行開蓬巴士勝利巡遊，同球迷分享捧盃喜悅，但領隊哥迪奧拿有所保留，希望等到歐聯決賽之後再決定是否舉行，若然「藍月亮」能夠首嘗歐聯冠軍滋味，成為三冠王，哥帥就會拍板同意舉行勝利巡遊，一旦不敵國米，就取消勝利巡遊，並直接畀球員放假。

曼城近6季5次奪得英超冠軍，近5屆英足盃亦有2次成為盟主，本土賽事已經捧盃捧到手軟，難怪哥迪奧拿認為冇必要為捧英超同英足盃舉行勝利巡遊。