唔等麥巴比夏蘭特　皇馬搶購卡尼

足球博彩神器，每日重心提供盡在《彩報》：http://win.on.cc/football/　

皇馬今季爭取蟬聯西甲及歐聯錦標失敗，球隊老化問題明顯，除咗將會簽入多蒙特19歲中場祖迪比寧咸之後，「銀河艦隊」亦急需要收購前鋒，據悉會方決定唔再等待2位目標人物基利安麥巴比、艾寧夏蘭特，改為今夏立即簽熱刺射手哈利卡尼，以解燃眉之急。

由於皇馬首席射手賓施馬突然決定提早解約，今夏離隊，打亂皇馬會長皮里茲原本明年簽入基利安麥巴比或者艾寧夏蘭特嘅計劃，加上教練安察洛堤亦建議收購哈利卡尼，皇馬將全力追逐呢位29歲英格蘭國腳。

事實上，哈利卡尼只剩下1年合約，而且因為不滿熱刺欠爭標實力，有意轉投豪門勁旅，熱刺為免明夏約滿人財兩失，隨時被逼提早今夏出售呢位球隊史上首席射手。

由於熱刺唔想哈利卡尼轉投其他英超對手，將佢賣畀皇馬，都係一個唔錯選擇，兩間球會有望一拍即合。不過，哈利卡尼傾向留喺英超搵食，皇馬能否說服佢上「艦」成為疑問。