國米諗縮數　想免費簽皇馬防線老將

足球博彩神器，每日重心提供盡在《彩報》：http://win.on.cc/football/　

國際米蘭雖然打入今屆歐聯決賽，但球會財政欠佳，今夏增兵將集中向自由身球員埋手，根據「轉會權威」記者羅曼諾(Fabrizio Romano)爆料，國米已經接觸皇馬後衞拿祖費南迪斯，希望簽入呢位33歲老將。

由於國際米蘭中堅史堅尼亞將於今夏轉投巴黎聖日耳門，急需要簽入後衞填補空缺，呢支意甲勁旅之所以睇中拿祖費南迪斯，除咗因為佢今夏約滿恢復自由身，唔需要支付轉會費之外，亦由於呢位西班牙國腳技術全面，可以勝任中堅同左後衞，簽入佢之後，能夠提升排陣靈活度，甚至可以出售後備左閘魯賓高辛斯，節省薪酬支出。

拿祖費南迪斯出身於皇馬青年軍，獲提升上一隊之後，已經效力「銀河艦隊」12年，但主要擔任後備，加上年齡唔細，皇馬無意同佢續約，轉投國際米蘭都係一個唔錯選擇。