拉舒福特願長留曼聯 人工再傾

2023年06月05日 21:14
東網電視
更多新聞短片
拉舒福特同曼聯開啟續約談判。(Getty Images)
足球博彩神器,每日重心提供盡在《彩報》:http://win.on.cc/football/ 
曼聯近日開啟同拉舒福特嘅續約談判,消息指尚餘1年約嘅福仔願長留曼聯,紅魔會方亦打算開出一分福仔生涯最大合約,希望有個好結果。
《太陽報》報道,拉舒福特早前被巴黎聖日耳門力邀過檔,當時曼聯尚未鎖定歐聯資格,其去留存在變數,但依家曼聯已確定重返歐聯,福仔亦下定決心長留曼聯,續約談判亦告展開。
消息人士透露,福仔將會得到生涯最大一分合約,雖然仲有唔少細節要敲定,但雙方都有共同目標,而作為曼聯親生仔嘅拉舒福特,將會成為未來隊長,亦係球隊嘅標誌人物之一,因此今次續約相當重要。
現時福仔周薪大約20萬鎊,今次續約肯定會加薪,同時要符合坦哈格嘅薪酬政策,預計加薪幅度唔會太高,但可以在獎金及其他收入斟酌。