曼聯簽金玟哉　最快7月科水

足球博彩神器，每日重心提供盡在《彩報》：http://win.on.cc/football/　

曼聯斟介拿玻里南韓中堅金玟哉已有一段時間，個人條件傾得7788，但遲遲未能落實，傳媒報道，原來曼聯要等賣盤程序結束後先會出手，最快等到7月先會畀錢完成交易。

報道指，曼聯將於今夏完成賣盤，等新班主上任後，就會啟動拿玻里同金玟哉之間嘅解約金條款，預計會在7月中之前向拿玻里支付5600萬鎊(約5.4億港元)解約金，就可以簽入金玟哉。

之前有報道指，曼聯同金玟哉個人條件已傾妥，簽約5年，周薪10萬鎊，當時曼聯唯一障礙係歐聯資格尚未落實，依家曼聯已肯定重返歐聯，金玟哉亦唔再拒絕曼聯邀請。

拿玻里近期開始為金玟哉離隊物色中堅，睇中阿特蘭大19歲小將史卡維尼，認為佢各方面條件都合適，可以勝任金玟哉空缺。