阿巴謙重傷抖半年　成「魔」無望

最強博彩盤路過關神器《串績王》：http://win.on.cc/football/　

羅馬前鋒譚美阿巴謙上仗意甲煞科戰對史柏斯亞一役受傷，經過詳細檢查之後，證實呢位25歲英格蘭國腳嘅左膝出現扭曲性創傷，預料需要休息半年，意味羅馬今夏出售佢嘅計劃將無法實行。

譚美阿巴謙該仗64分鐘後備上陣，但踢咗17分鐘就受傷，當時佢神情非常痛苦，就知道情況不妙，結果發現左膝嚴重受傷，起碼需要抖半年，隨時等到明年先至有機會復出。

譚美阿巴謙2年前由車路士加盟羅馬，首季上陣53場入27球，但今季表現走下坡，53次披甲僅入9球，意大利傳媒指羅馬準備今夏出售呢位前鋒，曼聯、阿士東維拉都有興趣簽佢。

不過，譚美阿巴謙依家受重傷長抖，轉會計劃一定失敗，就算佢半年之後復出，能否恢復昔日水準亦成疑，足球事業面臨重大打擊。