皇馬準備報價哈利卡尼　轉會費8000萬歐元

足球博彩神器，每日重心提供盡在《彩報》：http://win.on.cc/football/　

皇家馬德里準備向熱刺開出收購哈利卡尼首次報價，轉會費8000萬歐元(約6.72億港元)，同熱刺心理價1億鎊有一段距離，亦略低於《轉會市場》9000萬歐元估價。

西班牙電台報道，由於無法簽入艾寧夏蘭特同基利安麥巴比，皇馬今夏收購目標定為哈利卡尼，準備向熱刺報價8000萬歐元，向哈利卡尼開出3年合約，年薪1100萬歐元。

29歲嘅哈利卡尼同熱刺合約尚餘1年，將於明年約滿回復自由身，如果熱刺今夏唔放人，明年勢必人財兩失。兩年前曼城曾出價1.5億鎊求購，但遭熱刺拒絕，在球員合約最後1年，皇馬作出壓價亦屬正常運作。

除咗皇馬，曼聯亦對哈利卡尼有興趣，不過熱刺唔想將球員賣畀英超競爭對手，好可能接受皇馬報價。