美斯未來3選1　佢會點選擇？

足球博彩神器，每日重心提供盡在《彩報》：http://win.on.cc/football/　

阿根廷球王美斯即將約滿巴黎聖日耳門，今夏踏上新旅程，傳媒引述美斯父親消息，美斯將於日內決定新去向，仲會喺網上發表聲明廣告天下。

現時美斯面前有3個選項，第1係重返巴塞，第2係前赴美職聯，第3係去沙特掘金。美斯本人屬意留在歐洲，佢最想重返巴塞，但受限於西甲財政條例同巴塞財務狀況，令美斯回家無法確定，報道指巴塞只能向美斯開出年薪1200萬歐元，同美斯身價有頗大差距。

前赴美職聯是美斯第2條路，有利佢準備2026年在美洲舉行嘅世盃決賽周，西班牙《El Larguero》報道，美職聯賽會為美斯修改薪資上限條例，更獲得30支美職球隊支持，聯手集資邀請美斯加盟任何1隊，對於美斯嚟講係唔錯嘅選擇。

美斯最後一條路就係去沙特，據報沙特班霸希拉爾開價年薪4億歐元力邀美斯加盟，人工係佢宿敵C朗雙倍，如果成事，美斯同C朗將可在中東再較高下。