迪馬利亞宣布離開祖記　傳重返賓菲加

足球博彩神器，每日重心提供盡在《彩報》：http://win.on.cc/football/　

阿根廷球星迪馬利亞周三(7日)喺個人IG宣布，佢嘅祖雲達斯生涯正式結束，今個夏天將回復自由身。迪馬利亞總結佢喺祖雲達斯之旅係「失敗」，但亦認識到好多新朋友，有傳佢可能會重返昔日球會賓菲加效力。

現年35歲嘅迪馬利亞，上年以自由身簽約祖雲達斯1年，佢就宣布唔會再續約：「喺意甲呢段困難日子正式完結，但我知道自己已獻出所有去幫助球隊爭標，最終失敗令我覺得好難受，但我亦好開心認識好多新朋友，成為呢個更衣室家庭一份子，好多謝祖雲達斯，你哋永遠會喺我嘅心入面。」

迪馬利亞今季雖然受傷患影響，但喺各項賽事仍上陣40場，交出8個入波同7次助攻。據葡萄牙傳媒報道，葡超勁旅賓菲加有意向迪馬利亞招手，呢位阿根廷國腳喺出道初期，曾經為賓菲加效力3個球季(2007年至2010年)。