基爾獲加背傷缺練　歐聯決賽上陣成疑

足球博彩神器，每日重心提供盡在《彩報》：http://win.on.cc/football/　

曼城備戰歐聯決賽傳出壞消息，右閘基爾獲加因傷缺席周二(6日)嘅公開操練，領隊哥迪奧拿證實佢受到背傷困擾，決賽對國際米蘭上陣成疑。

曼城周二舉行公開操練，全隊球員都有份出席，唯獨基爾獲加缺席。哥迪奧拿喺操練完畢後向記者透露：「基爾獲加個背脊出現一啲問題，佢尋日(周一)覺得唔係好舒服，今日感覺好番少少，但我哋唔想佢冒險，未來幾日要繼續觀察佢嘅情況。」

基爾獲加季中因為未能適應曼城3中堅新陣式，一度失去正選位置，但佢之後愈踢愈好，季尾已經成為球隊後防必然正選，歐聯4強凍結皇家馬德里嘅雲尼斯奧斯祖利亞，更加係曼城殺入歐聯決賽嘅重要功臣，如果因傷缺陣對國米嘅決賽，對曼城會係重大打擊。